Երեւան քաղաքի ավագանին, այսօր՝ ապրիլի 26-ին, իր հերթական նիստում, քննարկել եւ հաստատել է Երեւան համայնքի սեփականությունը հանդիսացող Հանրապետության փողոցի հ.32 հասցեում գտնվող 130.9քմ մակերեսով տարածքը մինչեւ 2020թ. հունիսի 30-ը անհատույց օգտագործման իրավունքով տրամադրել «Հուշարձանների եւ պատմական վայրերի պահպանության միջազգային խորհրդի Հայաստանի ազգային հանձնաժողով» /ԻԿՈՄՈՍ/Հայաստան/, «Պատմական հուշարձանների պահպանման հայկական դաշնություն» եւ «Վասպուրական» հայրենակցական» հասարակական
կազմակերպություններին:
Նշվել է, որ տվյալ տարածքը ավագանու դեռեւս 2014 թվականի համապատասխան որոշումներով անհատույց օգտագործման իրավունքով 3 տարի ժամկետով արդեն տրամադրվել էր նշված կազմակերպություններին:
Ավագանու այլ որոշումներով անհատույց օգտագործման իրավունքով տարածքներ են տրամադրվել նաեւ «Նորաստղ» հաշմանդամ երեխաների ծնողների ՀԿ-ին եւ հաշմանդամություն ունեցող անձանց շահերի պաշտպանությունն ապահովող «Լիարժեք կյանք» բարեգործական հասարակական կազմակերպությանը: