Բրազիլիայից Decepticons ցանցահենային խմբի անդամները հայտարարել են, որ մտադիր են կոտրել ու ոչնչացնել վճարովի լրտեսական ծրագրերը, որոնք գործածվում են անհավատարիմ ամուսիններին, երեխաներին ու ամուսիններին հետեւելու համար։ Այս մասին հաղորդում է Lenta-ն՝ վկայակոչելով The Register-ին։

Որպես առաջին քայլ չարագործները կոտրել են հանրաճանաչ լրտեսական FlexiSpy ծառայությունը։ Նրանք կարողացել են համակարգ մտնել մշակողի կայքէջով, գողացել են բոլոր փաստաթղթերն ու հավելվածի ելքային գաղտնագիրը, որը հետո հրապարակել են։

Ցանցահենների ուղերձում ասվում է, որ իրենք կարող են կոտրել ցանկացածին ու ստացած գաղտնիքներն օգտագործել իրեց նպատակների համար, սակայն նման սոֆթի վաճառը, նրանց կարծիքով, անբարոյական է։

FlexiSpy-ի վճարովի տարեբրակը թույլ է տալիս ձայնագրել բոլոր ելքային ու մուտքային զանգերը, կարդալ հաղորդագրություններն ու հետեւել սարքավորման գտնվելու վայրին։ Ծրագիրը կարելի է ներբեռնել Android եւ iOS սարքավորումներին, ինչպես նաեւ Mac եւ Windows օպերացիոն համակարգերով համակարգիչներին։