Բաքվում կալանավորված Ռուսաստանի քաղաքացի հայազգի Մարատ Գալուստյան-Ուելդանովի գործով դատական նիստը կկայանա ապրիլի 28-ին։ Այս մասին Facebook–ի էջում հայտնել է Մարատ Ուելդանովի քույրը՝ Մարիանա Միրզոյանը։
«Այսօր կայացել է երկրորդ դատական նիստը իմ եղբոր՝ Մարակ Ուելդանովի «գործով»։ Խոսքը տրամադրել են մեղադրողին, «ականատեսներին», «փաստաբանին» ու Մարատին։ Եղբայրս առաջվա պես չի ընդունել իր մեղավորությունը։ Երրորդ նիստը կկայանա արդեն այս ուրբաթ՝ ապրիլի 28-ին։ Ես կարծում եմ, որ դատավորը դատավճիռ կկայացնի ու կհայտնի պատժամիջոցը»,- գրել է Մարիանա Միրզոյանը։
