2016-ը հավանաբար հիշելու են որպես շրջադարձային պահ Եվրոպայում մարդու իրավունքների համար։ Այս մասին հայտնել է Եվրոպայի խորհրդի մարդու իրավունքների հարցերով հանձնակատար Նիլս Մույժնիեկսը, ներկայացնելով ամենամյա հաշվետու զեկույցը 2016-ի համար։
«Մենք կամ այս փուլը պետք է դիտարկենք որպես ցածր մեկնարկ, որից եվրոպական երկրները թե առանձին- առանձին, թե հավաքական ձեւով՝ նոր ազդակով կհաստատեն իրենց հանձնառությունը մարդու իրավունքներին, կամ էլ այս տարին կնշանավորի մարդու իրավունքների եվրոպական համակարգի ու եվրոպական ինտեգրման վախճանի սկիզբը։
Հանձնակատարը հատուկ ուշադրություն է դարձրել այն աննախադեպ իրավիճակին, երբ երեք երկրներ՝ Ուկրաինան, Ֆրանսիան ու հիմա արդեն Թուրքիան նահանջում են մարդուիրավունքների պաշտպանության հարցերով եվրոպական հռչակագրի դրույթներից։ 2016-ը առանձնանում է նաեւ նրանով, որ այս տարվա ընթացքում դրսեւորվել են ազգային ու եվրոպական մակարդակների վրա՝ ապաստան ստանալու իրավունքի նվաստացմանն ուղղված գործողությունների արդյունքները, Մեծ Բրիտանիայում կայացել է Բրեքսիթի հարցով հանրաքվեն, ձեռնարկվել է հեղաշրջման փորձ Թուրքիայում ու դրան հետեւել է երկրում մարդու իրավունքների վիճակի վատացում, իրականացվել են քաղաքական նախաձեռնություններ, որոնք լրջորեն սպառնում են իրավունքի գերակայությանը Լեհաստանում, իսկ ԱՄՆ-ում նախագահ է ընտրվել Դոնալդ Թրամփը։
Ըստ զեկույցի՝ 2016-ին մի շարք անդամ երկրներում, այդ թվում Ադրբեջանում նաեւ դիտարկվել է իրավապաշտպանների ու լրատվամիջոցների վրա ճնշումներն ուժեղացնելու նախկին միտումների շարունակություն։
Հանձնակատարը շեշտել է կառուցվածքային թերությունները Ադրբեջանում տեսակետների արտահայտման ազատության ոլորտում,՝ այդ թվում քննադատական կարծիքներ հայտնող անձանց նկատմամբ դատական հետապնդումները ու գործողությունները նրանց դեմ, ովքեր համագործակցում են միջազգային կազմակերպությունների հետ՝ երկրում մարդու իրավունքների խախտումները վերհանելու գործում ։
Հանձնակատարը նաեւ մտահոգություն է հայտնել Եվրոպայի խորհրդի մի շարք անդամ պետոթյուններում, այդ թվում Ադրբեջանում փաստաբանների նկատմամբ հետապնդումների ու նրանց վրա ճնշման այլ ձեւերի մասին ։