73 տարեկանում մահացել է ամերիկացի կինոռեժիսոր Ջոնաթան Դեմմեն, որը հայտնի է իր «Գառների լռությունը» սարսափ ֆիլմով։ Մահվան պատճառը կերակրափողի քաղցկեղն ու սրտի հիվանդությունների հետ կապված բարդացումներն էին, հայտնում է Euronews–ը։
«Գառների լռությունը» ֆիլմը, որի գլխավոր դերերում նկարահանվել էին Ջոդի Ֆոսթերն ու Էնթոնի Հոփկինսը, «Օսկար» է ստացել հինգ անվանակարգերում։ Դեմմեն այդ պատվավոր մրցանակին արժանացել է «Լավագույն ռեժիսորական աշխատանք» անվանակարգում։ Ջոնաթան Դեմմեն նաեւ «Ամուսնացած եմ մաֆիայի հետ», «Ֆիլադելֆիա» ֆիլմերի բեմադրող ռեժիսորն է եղել։