ՀՀԿ նախկին անդամ, նախկին պատգամավոր Խաչիկ Մանուկյանը, որը խորհրդարանական ընտրություններում առաջադրվել էր «Ծառուկյան» դաշինքից եւ այդ ընտրատարածքում առաջին տեղում է ստացած քվեներով, NEWS.am–ի հետ զրույցում խուսափել է հստակ նշել՝ մանդատ կստանա՞, թե՞ ոչ։
Նշենք, որ տարածված տեղեկությունների համաձայն՝ դաշինքի առաջնորդ Գագիկ Ծառուկյանը բոլոր թեկնածուներից նախապես ինքնաբացարկի դիմումներ է պահանջել եւ անձամբ է որոշելու՝ ով էմանդատ ստանալու, ով չի ստանալու՝անկախ ստացած քվեների քանակից։
«Ես չգիտեմ՝ ով ինչ է գրել, ես տեղյակ չեմ»,–ասել է Խաչիկ Մանուկյանը։
Ինչ վերաբերում է իր մանդատը ստանալուն, ասել է. «Կգա ժամանակը կխոսենք, դեռ ժամանակ կա, Սահմանադրական դատարան են դիմել, մինչեւ դատարանի որոշումը լինի, էն ժամանակ նոր կխոսենք»։
Հիշեցնենք, որ Խաչիկ Մանուկյանը ՀՀԿ–ից «Ծառուկայն» դաշինքի ցուցակ իր տեղափոխվելը մեկնաբանել էր ՀՀԿ–ի ցուցակում տեղ չլինելու հանգամանքով։
