Հակահրթիռային պաշտպանության THAAD համակարգի տեղակայման նպատակն է սթափեցնել Հյուսիսային Կորեայի առաջնորդ Կիմ Չեն Ընին, այլ ոչ թե «նրան ծնկի իջեցնել»։ Այս մասին ասել է ԱՄՆ ԶՈՒ Խաղաղօվկիանոսյան հրամանատարության ղեկավար ծովակալ Հարի Հարիսը՝ Սպիտակ տանը սենատորների համար գաղտնի ճեպազրույցից առաջ, փոխանցում է BBC-ն։
Նրա խոսքով ԱՄՆ-ն պատրաստ է չեզոքացնել հյուսիսկորեական հրթիռային սպառնալիքը՝ «լավագույն տեխնոլոգիաների» օգնությամբ։ Հարիսը ընդունել է, որ յուրաքանչյուր հրթիռային փորձարկման հետ միասին «Կիմը ավելի է մոտենում իր նպատակին՝ այն է ամերիկյան քաղաքների դեմ միջուկային զենք կիրառելը»։
