Եվրախորհրդարանը կլուծի Ֆրանսիայի նախագահի թեկնածուներից մեկի՝«Ազգային ճակատ» կուսակցության առաջնորդ Մարին Լը Պենին պատգամավորական անձեռնամխելիությունի զրկելու հարցն արդեն նախագահական ընտրությունների երկրորդ փուլից հետո, որը տեղի կունենա մայիսի 7-ին։ Այս մասին հաղորդում է «ՏԱՍՍ»-ը՝ վկայակոչելով RTL բելգիական հեռուստաալիքին։
Մարին Լը Պենին անձեռնամխելիությունից զրկելու հարցը մայիսին կփոխանցվի ԵԽ-ի իրավական հարցերով հանձնաժողով, իսկ հետո մի քանի ամիս անհրաժեշտ կլինի որոշում ընդունելու համար, նշել է հեռտուստաալիքը։
Չորեքշաբթի օրը Եվրախորհրդարանի նախագահ Անտոնիո Տայանին հաստատել է, որ Եվրախորհրդարանը սկսել է Լը Պենին պատգամավորական անձեռնամխելիությունից զրկելու գործընթացը։ «Համապատասխան հարցումը կհղվի Եվրախորհրդարանի պատասխանատու հանձնաժողով»,-հայտարարել է նա։
Ֆրանսիայում դատական քննիչներն «Ազգային ճակատ»-ին կասկածում են այն բանում, որ կուսակցությունը իր աշխատակիցներին աշխատավարձ տվել է Եվրամիության հիմնադրամների հաշվին։