«Իսլամական պետության» ու «Ալ Քաիդա»-ի գրոհայինները բանակցությունների միջոցով փորձում են դաշինք կազմել։ Այս մասին հայտարարել է ՀԱՊԿ գլխավոր քարտուղարի պաշտոնակատար Վալերի Սեմերիկովը՝ ելույթ ունենալով Մոսկվայում անցկացվող միջազգային անվտանգության համաժողովին, հաղորդում է «ՌԻԱ Նովոստի»-ն։
«Ըստ տեղեկությունների՝ վերջին ժամանակներում փորձեր են ձեռնարկվում չեզոքացնել ԻՊ-ի ու «Ալ Քաիդա»-ի միջեւ առկա հակասությունները՝ բանակցությունների միջոցով, եւ այդ երկու ահաբեկչական կազմակերպությունները միավորել մեկ դաշինքում»,- ասել է Սեմերիկովը։
«Նման նախաձեռնության իրականացման դեպքում աշխարհում ահաբեկչական սպառնալիքը մի քանի անգամ կաճի»,- նշել է նա։