«Սիմփսոններ» անիմացիոն սերիալը ծիծաղել է ԱՄՆ նախագահ Դոնալդ Թրամփի նախագահության առաջին 100 օրվա վրա։ Այս մասին հաղորդում է Gazeta-ն՝ վկայակոչելով The Hill-ին։ Նոր դրվագի շնորհանդեսը տեղի կունենա ապրիլի 30-ին, կիրակի օրը։
Ըստ սերիայից հրապարակված մի հատվածի՝ կհայտնվեն նախագահի վարչակազմի ակնառու ներկայացուցիչներ, այդ թվում՝ պետության ղեկավարի խորհրդական Քելիենն Քոնուեյը, մամուլի քարտուղար Շոն Սփայսերը եւ դուստրը՝ ԻվանկանԹրամփը։
Նաեւ առկա է Թրամփի «մասնակցությամբ» մեկ ժապավեն, ով մահճակալին պառկած լուրեր է դիտում եւ գրում թվիթերում։
Ինչ վերաբերում է գլխավոր հերոսներին, ապա Մարջ եւ Հոմերոս Սիմփսոններն, օրինակ, հեռուստացույցով հաղորդում է կտեսնեն Թրամփի նախագահության 100 օրվա մասին, իսկ Աբրահամ Սիմփսոնին կձերբակալեն ԱՄՆ իմիգրացիոն եւ մաքսային ծառայության աշխատակիցները։