Այս գարնանը Ucom ընկերությունը հանդես է գալիս ամենասպասված առաջարկով: Ucom Ունիվերսալ սակագնային պլանների բոլոր այն բաժանորդներն, ովքեր կակտիվացնեն MediaRoom հավելվածը մինչեւ հունիսի 30-ը, կկարողանան չորս ամիս շարունակ բոլորովին անվճար դիտել սպասված ֆուտբոլային հանդիպումները, հաղորդումները եւ սերիալներն անգամ տանից դուրս: Եվ ամենակարեւորը՝ հեռուստացույց նայելիս ինտերնետ ներառումներից ոչ մի մեգաբայթ չի սպառվի, իսկ ներառումներն սպառելուց հետո օգտագործված մեգաբայթերի համար գանձում չի կատարվի:
Հարկավոր է պարզապես բեռնել հավելվածը, կարճ հաղորդագրությամբ ուղարկել «TV» բառը 145 կարճ համարին, ստանալ ակտիվացման կոդ, մուտքագրել այն հավելվածի համապատասխան դաշտում եւ վերջ:
«Դեռեւս անցյալ տարվա ընթացքում մեկնարկելով MediaRoom շարժական հեռուստատեսության հավելվածը մենք գիտակցում էինք դինամիկ կյանքով ապրող մեր բաժանորդների բոլոր պահանջները: Եվ ընդամենը մի քանի ամիս անց կարող ենք վստահությամբ փաստել, որ շարժական հեռուստատեսությունն ավելի մատչելի ու ավելի հասանելի, քան հիմա, դեռ չի եղել», - նշել է Ucom ընկերության գլխավոր տնօրեն Հայկ Եսայանը:
Առաջարկի շրջանակներում Ունիվերսալ սակագնային պլանների բաժանորդներին հասանելի կլինեն 55 բազմաժանր հեռուստաալիքներ՝ 2 օրվա Catch Up-ի հնարավորությամբ: