Թայլանդի հատուկ նշանակության ուժերի չորս զինծառայողներ զոհվել են հինգշաբթի օրը երկրի «ծայր հարավում»՝Նարատիվատ նահանգում տեղի ունեցած հարձակման ժամանակ, երբ գրոհայինները հարձակվել են նրանց ավտոմեքենայի վրա։ Այս մասին հաղորդում է «ՌԻԱ Նովոստի»-ն։
Փիքափը պայթել է ինքնաշեն պայթուցիկ սարքի վրա եւ շրջվել, որից հետո բոլոր չորս հատուկ ջոկատայինները, որոնք ողջ էին մնացել պայթյունի հետեւանքով, գնդակահարվել են գրոհայինների կողմից ու զոհվել, ասվում է հաղորագրությունում։
Նշենք, որ Թայլանդի «ծայր հարավի» Մալայզիային սահմանակից նահանգներում՝ Նարատիվատում, Յալլայում եւ Պատանիում, 2004 թվականից ակտիվորեն գործում են մուսուլմանական գրոհայինների խմբավորումները՝ անջատողական կազմակերպություններից, որոնք տարածաշրջանի համար ինքնավարություն կամ Թայլանդից անկախացում են պահանջում։
