Նախնական տվյալներով՝ ՌԴ Սեւծովյան ճակատի «Լիման» նավի կործանման պատճառ կարող են լինել եղանակային պայմանները, մասնավորապես՝ մառախուղը։ Այս մասին «ՌԻԱ Նովոստի»-ին հայտարարել է Ստամբուլում Ռուսաստանի գլխավոր հյուպատոսարանի մամուլի կցորդ Սերգեյ Լոսեւը։
Հինգշաբթի օրը Սեւ ծովի հարավարեւմտյան մասում՝ Բոսֆորի նեղուցից 40 կմ հյուսիս-արեւելք, սեւծովյան նավատորմի «Լիման» հետազոտական նավը «Աշոտ-7» նավի հետ բախման հետեւանքով վնասվել է աջ կողմից։ Փրկարարները տարհանել են նավի անձնակազմին՝ 78 մարդու, նրանց դրությունը բավարար է։ Նավը ջրասույզ է եղել։
«Ռուսական նավի կործանման պատճառը, նախնական տվյալներով, կարող էին լինել վատ եղանակային պայմանները, մառախուղը», — ասել է Լոսեւը։
