Մեքսիկայում անհետացած ուսանողների մտերիմներն ու հարազատները մայրաքաղաք Մեխիկոյում բողոքի երթ են անցկացրել։ Իրենց հարազատներին կորցրած ակտիվիստներն ու ընտանիքի անդամները վրդովմունք են հայտնել, թե ինչպես են իշխանությունները պարզում այդ գործը, հաղորդում է Euronews-ը։
Երիտասարդների անհետանալուց ավելի քան 2 տարի անց նրան ճակատագիրը դեռ անհայտ է մնում։
Ուսանողներն առեւանգվել են 2014 թվականի սեպտեմբերի 26-ին՝ Իգուալում, որտեղ ժամանել էին տեղի իշխանությունների դեմ բողոքի ակցիային մասնակցելու համար։ Հետաքննության տվյալներով՝ կոռումպացված ոստիկանները նրանց հանձնել են թմրակարտելին, որի անդամները հաշվեհարդար են տեսել ուսանողների հետ ու ոչնչացրել մարմինները։