Երեւանի Մարգարյան փողոցի շենքերից մեկից ապրիլի 14-ին գողություն է կատարվել: Մեկը հարմարեցված բանալիով բացել էր տան դուռը, հափշտակել թանկարժեք զարդեր, գումար եւ կդիմեր փախուստի, եթե բացակայող տան տերերի հարազատները չմտնեին տուն եւ չտեսնեին նրան: Նա փորձել էր փախչել, սակայն նրանցից մեկը բռնել էր նրան:
«Սպասում էի կնոջս եղբայրը երեխայիս շորերը վերցնի, դուրս գա, որից հետո լսել եմ, որ գոռում է` գողը, գողը: Տեսա, որ շենքից մեկը դուրս եկավ, հետապնդեցի, բռնեցի ու զանգեցի ոստիկանություն»,-ասաց հանցագործին բռնած անձը:
Բռնվածը Վրաստանի հանրապետության քաղաքացի էր, Թբիլիսիի բնակիչ Նադրի Փիրխանին, որը ինչպես ենթադրվում է` գողության նպատակով էր Հայաստան եկել:
Փաստի առթիվ հարուցվել է քրեական գործ, կատարվում է քննություն: