ԱՄՆ նախագահ Դոնալդ Թրամփի վարչակազմը ապրիլի 26-ին բացել է ապօրինի ներգաղթյալների գործողություններից տուժածների օգնության կենտրոն, հայտնում է Buzzfeed-ը։
ԱՄՆ շատ բնակիչներ քննադատել են վարչակազմի այդ նախաձեռնությունը՝ համարելով, որ դա կարող է ռասիզմի արդարացում ընկալվել
Կենտրոնին կից գործարկել են նաեւ «թեժ գիծ» , որին կարող են դիմել օտարեկրացի- անլեգալների հանցագործություններից տուժածները։ Ընդ որում կենտրոնի առաքելությունը նկարագրելիս՝ ազգային անվտանգության նախարարությունը օգտագործում է alien բառը, որը նշանակում է ոչ միայն օտարերկրացի, այլեւ այլմոլորակային։
Դրա համար էլ այն ամերիկացիները, որոնք դժգոհ են միգրացիոն քաղաքականությունից, որոշել են զանգահարել թեժ գիծ ու զեկուցել այլմոլորակայինների մասին։
Որոշ կատակասերներ օպերատորներին պատմել են , որ իրենց առեւանգել են ՉԹՕ-ները։
ԱՄՆ միգրացիոն ծառայության ներկայացուցիչները, մեկնաբանելով այդ զանգերը, ասել են, որ թեժ գիծը գերծանրաբեռնված է այլմոլորակայինների մասին ահազանգերով, ու դա խանգարում է հանցագործությունների իրական զոհերին ստանալ անհրաժեշտ տեղեկատվություն։