ՀՀԿ-ն եւ ՀՅԴ-ն տեսանելի ապագայում կստորագրեն համագործակցության փաստաթուղթ: Այս մասին այսօր՝ ապրիլի 27-ին, ՀՀԿ ԳՄ նիստից հետո լրագրողների հետ զրույցում ասաց կուսակցության մամուլի խոսնակ, ԱԺ փոխնախագահ Էդուարդ Շարմազանովը:
«ՀՀԿ-ի եւ ՀՅԴ-ի միջեւ համագործակցության քննարկումներն ավարտական փուլում են, գրեթե ավարտվել են: Ընդհանուր հարցերում եկել ենք համաձայնության եւ տեսանելի ապագայում կստորագրենք համագործակցության փաստաթուղթ»,- ասաց նա:
Թե ինչ ձեւաչափով է լինելու համագործակցությունը, կողմերը դեռ չեն բացահայտում: Ինչ վերաբերում է նախարարական պորտֆելներին, Շարմազանովը հորդորեց սպասել:
