RM Sothebyʼs աճուրդային տան ցանկում հայտնվել է ծայրաստիճան հազվագյուտ Porsche 911՝ Carrera RSR 3.8 տարբերակը, որը թողարկվել է ընդամենը 51 նմուշով։ 1993-ին թողարկված մեքենան ընդամենը տասը կիլոմետր վազք ունի, հայտնում է Motor-ը։
Carrera RSR 3.8-ն թողարկվել էր որպես մարզական մեքենա ու նմուշներից շատերը «սպարտանյան» ինտերիեր ուներ՝ անվտանգության կարկասով։ Վաճառքի դրվող մեքենան, ինչպես հավաստիացնում են RM Sothebyʼs–ում, լիարժեք սալոնով երկու նմուշներից մեկն է։ Առաջին սեփականատերը այդ մեքենայի համար լրիվ կարմիր ինտերիեր էր պատվիրել։
