Վենետիկի իշխանությունները հատուկ սարքերի տեղադրման օգնությամբ մտադիր են հաշվարկել ՅՈՒՆԵՍԿՕ-ի Համաշխարհային ժառանգության ցանկում ներառված քաղաք ժամանող զբոսաշրջիկների թիվը: Այս մասին հաղորդում է Life-ը:
Ըստ Il Gazzettino-ի՝ որոշումն ընդունել է քաղաքի գործադիր մարմինը: Եթե այն հավանության արժանանա Իտալիայի կառավարությա եւ ՅՈՒՆԵՍԿՕ-ի կողմից, ապա մոտ ապագայում քաղաքի մի շարք ռազմավարական կետերում հաշվիչներ կտեղադրվեն, որոնց տվյալների հիման վրա ապագայում զբոսաշրջիկների սահմանափակում կմտցվի:
Վենետիկում խոստացել են առաջիկայում բացատրել նման որոշման պատճառները: