Red Bull էներգետիկ ըմպելիքներ արտադրող ընկերության հիմնադիրներից մեկի ժառանգին ու թոռանը կալանք է սպառնում։ 2012 թվականին նա իր Ferrari-ով վրաերթի է ենթարկել բանգկոկցի ոստիկանին ու անհետացել դեպքի վայրից, հաղորդում է Euronews-ը։
Այս ընթացքում Լոնդոնում բնակվող, շքեղ կենսակերպ վարող երիտասարդին հաջողվել է թաքնվել արդարադատությունից։ Սակայն հինգշաբթի օրը դատախազությունը հայտարարել է, որ երիտասարդին վերջին հնարավորությունն է տալիս՝ եթե նա այսօր չներկայանա հարցաքննության, նրա ձերբակալման օրդերը կտրվի արդեն ուրբաթ առավոտյան։