Գերմանիան մերժել է Թուրքիայի ԵՄ մուտք գործելու գործընթացը դադարեցնելու պահանջը՝ չնայած որ Եվրամիության մի շարք անդամ երկրներ հայտարարել են, որ անդամակցության մասին Անկարայի երազանքը մահացավ սահմանադրական հանրաքվեից հետո, հաղորդում է Reuters-ը։
Գերմանիայի ԱԳ նախարար Զիգմար Գաբրիելի խոսքով՝ նման քայլը հակապրոդուկտիվ է։ «Գերմանիայի կառավարությունը կտրականապես դեմ է Թուրքիայի՝ ԵՄ մուտք գործելու բանակցությունների դադարեցմանը, դա բացառապես սխալ արձագանք է», - ասել է նա լրագրողներին Մալթա ժամանելուն պես, որտեղ ԵՄ անդամ երկրների ԱԳՆ ղեկավարների հանդիպում է տեղի ունենում։ «Նրանք, ովքեր ցանկանում են հայրենիքում ծափահարությունների արժանանալ, որովհետեւ հայտարարում են Թուրքիայի հետ բանակցություններ վարել չցանկանալու մասին, ոչինչ չեն փոխում բուն Թուրքիայում»,-կարծում է նա։
Ավստրիան իր հերթին կոչ է անում հրաժարվել Անկարայի հետ բանակցություններից։
Նույն դիրքորոշումն ունեն նաեւ Նիդեռլանդներն ու Լյուքսեմբուրգը։
