Հայկական ԱԷԿ-ի վերանորոգումը կավարտվի սահմանված ժամկետում: Ապրիլի 28-ին այս մասին լրագրողներին ասաց էներգետիկ ենթակառուցվածքների եւ բնական պաշարների փոխնախարար Հայկ Հարությունյանը:
Պլանային նորոգման նպատակով կայանի աշխատանքը կդադարեցվի 2017-ի մայիսի 1-ից հուլիսի առաջին կեսը, այնուհետեւ՝ 2018 թվականին: Հաջորդ տարի կայանի աշխատանքը կդադարեցվի ամենաերկար ժամկետով՝ 4 ամսով:
2019 թվականից կայանը կվերադառնա պլանային անջատումների նախկին ռեժիմին՝ 3 տարի տարեկան 45 օր, չորրորդ տարում՝ 60 օր, երբ վառելիքն ամբողջության ռեակտոր է բեռնվում, զտում է կատարվում եւ վերահսկողություն ռեակտորի ներսում:
Հիշեցնենք, որ հայկական ԱԷԿ-ի գործողության ժամկետի երկարացումն իրականացվում է Ռուսաստանի կառավարության հատկացրած 270 մլն դոլար վարկի եւ 30 մլն դոլար դրամաշնորհի շրջանակում: Էներգաբլոկի գործողության ժամկետը երկարացվել է 10 տարով՝ մինչեւ 2026 թվականը: Մինչ այս ծրագրված է ավարտել նոր էներգաբլոկի կառուցումը: