Նոր օրինագծերով Հայաստանում էներգետիկայի տարածաշրջանային շուկա կստեղծվի: Ապրիլի 28-ին այս մասին լրագրողներին ասաց էներգետիկ ենթակառուցվածքների եւ բնական պաշարների փոխնախարար Հայկ Հարությունյանը:
Առաջիկայում օրինագծերը կներկայացվեն խորհրդարանի քննարկմանը: «Խոսքը էներգետիկայի կարգավորման միանգամայն նոր համակարգի մասին է, մասնավորապես՝ տարածաշրջանային շուկաների ստեղծման»,- հայտարարեց նա:
Հիշեցնենք, որ 2016-ի ապրիլին Երեւանում տեղի է ունեցել Հայաստանի, Իրանի, Ռուսաստանի էներգետիկայի նախարարների եւ Վրաստանի էներգետիկայի փոխնախարարի հանդիպումը: Կողմերը պայմանավորվել են ջանքեր ներդնել էլեկտրաէներգիայի ընդհանուր շուկայի ստեղծման համար:
