Չեխիայի խորհրդարանը ճիշտ վարվեց՝ ընդունելով Հայոց ցեղասպանությունը։ Այս մասին NEWS.am-ի թղթակցին հայտնել է Չեխիայի հրեական համայնքների դաշնության նախագահ Պյոտր Պապուշեկը։
«Ես կարծում եմ՝ ճիշտ էր Օսմանյան կայսրությունում հայերի կոտորածը ցեղասպանություն ճանաչելը», - հայտարարել է նա։
Այն հարցին՝ արդյոք Չեխիայի հայ համայնքը ցուցաբերու՞մ է նման հանդուրժողականություն Հոլոքոստի հիշատակի արարողություններին, Պապուշեկը նշել է, որ նման միջոցառումներին հայ համայնքի մասնակցության մասին իրեն հայտնի չէ։
Հիշեցնենք, որ սույն թվականի ապրիլի 25-ին Չեխիայի խորհրդարանի պատգամավորների պալատը Հայոց ցեղասպանությունը դատապարտող բանաձեւ է ընդունել։
