Վրաստանի Ֆինանսաների նախարարության քննչական ծառայության աշխատակիցները ձերբակալել են տղամարդուն, ով Թուրքիայի սահմանից Վրաստան է անցկացրել հսկայական՝ 482,3 կարատ զմրուխտ։ Այս մասին հաղորդում է «Sputnik Գրուզիա»-ն՝ վկայակոչելով գերատեսչության կայքին։
«Տղամարդը երեկ երեկոյան հատել է վրացական սահմանը թանկարժեք քարի հետ միասին՝ առանց այն հայտագրելու։ Հսկայական զմրուխտը գտնվել է նրա պայուսակում», — ասվում է հաղորդագրությունում։
Գործակալության տվյալներով՝ չմշակված զմրուխտի մեկ կարատի գինը միջինում կազմում է 250 դոլար։
«Զմրուխտն առգրավվել է որպես իրեղեն ապացույց։ Ուրբաթ օրը դատարանը կվճռի մեղադրյալի նկատամամբ խափանման միջոց ընտրելու հարցը», — ասվում է հաղորդագրությունում։