Նյու Յորքի բնակչուհին չի տուժել կրակոցից իր պայուսակի շնորհիվ, որը կանգնեցրել է փամփուշտը, հայտնում է New York Daily News-ը։

Գողը հարձակվել էր 39-ամյա ամերիկուհու վրա, որը իր մեքենայի բեռնախցում իրերն էր դասավորում։ Գողը սպառնացել է կնոջը ատրճանակով ու պահանջել մեքենայի բանալիները ։ Երբ կինը դիմադրել է, հանցագործը կրակել է։ Փամփուշտն անցել է պայուսակի ու բեռնախցի միջով, որից հետո լռվել է հագուստի մեջ՝ չվնասելով կնոջը։ Այդ ժամանակ տղամարդը ատրճանակով հարվածել է նրա գլխին, վերցրել բանալիները ու առեւանգել մեքենան։

Ոստիկանությունը հանցագործին ձերբակալել է հանցագործության վայրից վեց կմ հեռավորության վրա։ Նրան առաջադրել են մեղադրանք մահափորձի , կողոպուտի, հարձակման, զենքի ապօրինի պահման, նաեւ օգտագործման համար ։