Մակեդոնիայի ՆԳՆ-ն ձերբակալել է 8 մարդու՝ ապրիլի 27-ին խորհրդարանում տեղի ունեցած անկարգություններին մասնակցության կասկածանքով, հայտնել է ՆԳ փոխնախարար Յորդան Լամանովսկին, փոխանցում է ՏԱՍՍ-ը։
Նրա խոսքով բուժօգնության է դիմել 83 տուժած։ Լամանովսկին նաեւ նշել է, որ իրավապահ մարմիններն ունեն տեսագրություններ՝ խորհրդարանի շենքի ներսում տեղադրված տեսախցիկներից։
«83 տուժածներից 25-ը ոստիկաններ են, 54-ը՝ քաղաքացիներ, երեք պատգավոր ու մեկ լրագրող»,- պարզաբանել է ՆԳ փոխնախարարը։ Նա շեշտել է, որ իրավիճակը վերահսկողության տակ է գտնվում, օպերատիվ շտաբը շուրջօրյա աշխատում է։
Նախօրեին Մակեդոնիայի ընդդիմությունը, շրջանցելով ընդհանուր ընթացակարգը, խորհրդարանի խոսնակ էր ընտրել ալբանացի Տալատ Ջաֆերիին։ «Հանուն միասնական Մակեդոնիայի» շարժման ակտիվիստները , որպես բողոքի նշան, ներխուժել են խորհրդարան ու այնտեղ անկարգություններ սկսել։ Որոշ տեղեկություններով առնվազն 109 մարդ է տուժել ։