Ալբանիայի խորհրդարանի խոսնակ, Հանուն ինտեգրացիայի սոցիալիստական շարժման առաջնորդ Իլիր Մետան ուրբաթ ընտրվել է երկրի նախագահի պաշտոնում, հաղորդում է ՌԻԱ Նովոստին:
Ալբանիայի նախագահն ընտրվում է խորհրդարանի կողմից՝ հինգ տարի ժամկետով եւ առավելապես արարողակարգային գործառույթներ է իրականացնում: 140 պատգամավորներից կողմ են քվերակել 87-ը, դեմ՝ 2-ը:
Մետան եվրոպամետ դիրքորոշում ունի: Վարչապետ Էդի Ռաման նրան բնութագրել է որպես մարդու, ով «մուտք ունի ամենուր, շփվում է բոլորի հետ եւ արտահայտում է իր դիրքորոշումը»:
Նորընտիր նախագահը ծնվել է 1969 թվականին, ավարտել է Տիրանայի համալսարանի էկոնոմիկայի ֆակուլտետը, 23 տարեկանում Սոցիալիստական կուսակցությունից պատգամավոր է ընտրվել: