Եվրամիությունից դուրս գալու գործընթացն ավարտվելուց հետո Մեծ Բրիտանիան չպետք է նույնպիսի իրավունքներ ունենա, ինչպիսին միության մյուս 27 անդամ երկրները: Այս մասին Գերմանիայի ֆինանսների նախարար Վոլֆգանգ Շոյբլեն հայտարարել է Funke մեդիա խմբի մեջ մտնող պարբերականներին տված հարցազրույցում, փոխանցում է ՏԱՍՍ-ը:
«Այն արտոնությունները, որոնք մյուս երկրները չունեն, դուրս գալուց հետո չպետք է ունենա նաեւ Մեծ Բրիտանիան: Ոչ մի բան անհատույց չի լինում: Բրիտանացիները սա պետք է իմանան»,- ասել է նախարարը:
Շաբաթ Բրյուսելում տեղի կունենա առաջին պաշտոնական գագաթնաժողովն առանց Մեծ Բրիտանիայի, որի ընթացքում ակնկալվում է, որ ԵՄ առաջնորդները հավանության կարժանացնեն Brexit-ի բանակցությունների մեկնարկի միության ռազմավարությունը: