Թուրքիայում ապրիլի 29–ից  առանց դատարանի որոշման արգելափակել են ազատ համացանցային հանրագիտարան հանդիսացող Wikipedia–ն։

Թուրքական Cumhuriyet–ի փոխանցմամբ՝ Թուրքիայի գիտական տեխնոլոգիաների ու հաղորդակցության խորհուրդը (BTK) Wikipedia–ի ղեկավարությանը զգուշացումներից հետո արգելափակել է կայքի հասանելությունը Թուրքիայում։

BTK–ն արգելափակման որոշումը հիմնավորել է այն հանգամանքով, որ Wikipedia–ում կան տողեր, որոնք Թուրքիային ասոցացնում են ահաբեկչության հետ։

Այս որոշումը մեծ արձագանք է գտել սոցկայքերի թուրքական տիրույթում, որտեղ օգտատերերը խիստ քննադատության են ենթարկել թուրքական իշխանություններին առանց դատարանի որոշմամբ կամայական քայլերի իրականացնելու համար։