Առնվազն չորս ոստիկան է զոհվել Իրաքի մայրաքաղաք Բաղդադում ապրիլի 29-ին տեղի ունեցած ահաբեկչության հետեւանքով, եւս հինգ մարդ վիրավորում է ստացել, հայտնել է Euronews-ը։
Պայթուցիկ նյութերով պատված մեքենան, որը վարում էր մահապարտը, օդ է թռել Էլ Կարադա թաղամասում։ Ահաբեկչության համար պատասխանատվություն է ստանձնել «Իսլամական պետություն» խմբավորումը։
Անցած տարվա հուլիսին այդ թաղամասում իրականացվել էր ամենամահաբեր ահաբեկչություններից մեկը, որի հետեւանքով 320 մարդ էր զոհվել։