Կուբայում ռադարների էկրաններից անհետացած ԱՆ-26 ուղեւորատար օդանավը կործանվել է: Ըստ Ciber Cuba-ի՝ ավիաաղետի մասին լուրը հաստատել են ավիաընկերության ներկայացուցչությունում:
Պարբերականի աղբյուրների համաձայն՝ օդանավի անձնակազմի անդամներն ու բոլոր ուղեւորները զոհվել են: Որոշ տվյալներով՝ օդանավում 39 մարդ է եղել:
Օդանավը պատկանում էր Aerogaviota ընկերությանը: Հայտնի է, որ օդանավն ընկել է արեւմտյան Պինար դել Ռիո նահանգում: Զոհերի մասին պաշտոնական տվյալներ դեռեւս չկան: