ԱՄՆ նախագահ Դոնալդ Թրամփն իր նախագահության 100-րդ օրվան նվիրված ելույթի ժամանակ խոսել է «հզոր Ամերիկայի» մասին, իսկ այդ պահին անհայտ անձը ռուսական դրոշներ է օդ նետել։
«Թրամփի ելույթի ժամանակ ինչ-որ մեկը բռով ռուսական դրոշներ է նետել տեսախցիկի առջեւ»,- Twitter-ի իր էջում գրել է CNBC հեռուստաալիքի թղթակից Սթիվ Քոփաքը եւ մի հատված տեղադրել Թրամփի ելույթի տեսանյութից։
Դոնալդ Թրամփի նախագահության 100-րդ օրվան նվիրված հանրահավաքը տեղի է ունեցել ապրիլի 29-ին, Փենսիլվանիա նահանգում եւ հեռարձակվել ամերիկյան հեռուստաընկերությունների կողմից։