Երեւանում, ապրիլի 29-ին, խոշոր ավտովթար է տեղի ունեցել. ժամը 18:10-ի սահմաններում Գեւորգ Չաուշ եւ Մելքումով փողոցների խաչմերուկում բախվել են «ԲԱԶ 111 093» մակնիշի 13 ՕԼ 652 համարանիշի, Shacman մակնիշի 930 ՕP 61 համարանիշի եւ Hyundai մակնիշի 33 DP 401 համարանիշի ավտոմեքենաները:
Shamshyan.com-ի փոխանցմամբ, ըստ նախնական տեղեկությունների, վթարի հետեւանքով զոհեր եւ վիրավորներ չկան: Դեպքի վայր ժամանած շտապօգնության հերթապահ խումբը տեղում առաջին բուժօգնությունն է ցուցաբերել «ՎԱԶ 111 093»-ի վարորդին, ով զինվորական է:
Ըստ նախնական տեղեկությունների՝ վթարի մեղավորը զինվորականն է եղել։