Ադրբեջանի Պաշտպանության նախարարությունում խոստովանել են հայկական «Շանթ» հեռուստաընկերության նկարահանող խմբի գնդակոծման փաստը։
Ընդունելով վերոնշյալ փաստը՝ Ադրբեջանի ՊՆ-ն փորձել է «բացատրել» միջադեպը՝ գնդակոծության մեղավոր համարելով հայկական կողմին։
«Ադրբեջանի Պաշտպանության նախարարությունում հայտարարել են, որ ստորաբաժանումները կրակ են բացել ի պատասխան ադրբեջանական դիրքերի գնդակոծման՝ Հայաստանի զինուժի քողարկված տրանսպորտային միջոցից, որը որեւէ մեդիա կամ քաղաքացիական կազմակերպության տարբերիչ նշան չուներ եւ ենթադրաբար պատկանում էր հայկական «Շանթ» հեռուստաալիքին», - հաղորդում է haqqin.az-ը։