Ճանապարհային վճարների ռուսական «Պլատոն» ռուսական համակարգը կարելի է ներդնել նաեւ Հայաստանում, բայց եթե հայկական բյուջեն դրանից փոխանցումներ ստանա։ Նման տեսակետ է NEWS.am–ի թղթակցին հայտնել Հայաստանի բեռնափոխադրումների ասոցացիայի նախագահ Մակար Առաքելյանը։
Հիմա «Պլատոն» համակարգը, որը գործում է Ռուսաստանում, առաջարկում են տարածել նաեւ ԵՏՄ մյուս երկրների վրա։ 2016-ի հոտկեմբերին Աստանայում ստորագրվել է համապատասխան հուշագիր Ղազախստանի հետ։
«Հայաստանի համար դա կարող է այնքան էլ շահավետ չլինել, քանի որ թե ներմուծման, թե արտահանման դեպքում սեփական տարածքում մենք տասնյակ անգամ քիչ վազք ունենք, քան արտասահմանում, այդ նույն Ռուսաստանում։ Հետեւաաբար, այդ վճարի քիչ մասը կմնա մեզ։ Եթե որոշում կայացվի միանալ «Պլատոնին»՝ ապա ցանկալի կլիներ, որ մեր բյուջեն էլ փոխանցումներ ստանար Ռուսաստանում մեր վարորդների վճարներից»,- հայտնեց Առաքելյանը;
Աշխատանքի առաջին տարվա ընթացքում (2015-16 նոյեմբեր) համակարգը հավաքել է մոտ 16․7 մլրդ ռուբլի։
«Պլատոնը» Ռուսաստանում գործող վճարային համակարգ է՝ ավելի քան 12 տոննա կշռող բեռնատարների վազքի համար։ Վճարներն ուղղվում են ճանապարհների սպասարկմանը, որոնք տուժում են խոշոր մեքենաների ծանրաբեռնվածությունից։ Բեռնատարների վազքը ստուգվում է տրեկերներով, որոնք միացված են ԳԼՈՆԱՍՍ համակարգին։