Ընդդիմությունը կարողացավ շուրջ 70%-ով բարելավել ներկայությունը Երեւանի ավագանիում: Մայիսի 16-ին լրագրողների հետ հանդիպմանն այս մասին հայտարարեց ՀՀ Ազգային ժողովի նախկին պատգամավոր Թեւան Պողոսյանը:
Նրա համոզմամբ՝ այս անգամ Երեւանի ավագանին ավելի հետաքրքիր լինի՝ նոր, երիտասարդ անդամների ներկայության շնորհիվ: «Հնարավոր է՝ Երեւանի ավագանու ներսում վերահսկողության ինստիտուտ ձեւավորվի»,- նշեց Պողոսյանը:
Նա խստորեն դատապարտեց «Երկիր Ծիրանի» կուսակցության առաջնորդ Զարուհի Փոստանջյանի հետ կապված միջադեպը եւ առողջություն մաղթեց նրա դստերը:
Հիշեցնենք, որ Երեւանի ավագանու ընտրություններում հաղթեղ իշխող ՀՀԿ-ն՝ ստանալով 71.25% ձայն: «Ելք» դաշինքը ստացավ 21%, «Երկիր Ծիրանի» կուսակցությունը՝ 7.75% ձայն:
