Մեծի Տանն Կիլիկիո Արամ Ա կաթողիկոսը Քուվեյթ ժամանելու հաջորդ օրը՝ մայիսի 16-ի առավոտյան այցելել է տեղի նորակառույց Սուրբ Վարդանանց եկեղեցի և Ազգային Առաջնորդարան, որտեղ շինություններն ու նախապատրաստական աշխատանքներն արդեն հասեն են վերջին փուլին:
Մեծի Տանն Կիլիկիո կաթողիկոսությունից NEWS.am-ին հայտնում են, որ Արամ Ա-ն իր գնահատանքն է հայտնել Առաջնորդ Հայր Սրբին, ազգային իշխանություններին և բարերարներին` իրենց ղեկավարությամբ կատարած աշխատանքների համար։
Նշենք, որ վեհափառ Հայրապետը մայիսի 19-ի առավոտյան պետք է իրականացնի Ազգային Առաջնորդարանի բացումը, իսկ երեկոյան Նորին Սրբության ձեռամբ պետք է իրականացվի նորակառույց Սուրբ Վարդանանց եկեղեցու օծումը: