Հայաստանում ԼԳԲՏ համայնքն ամեն ինչ անելու է, որ սեռափոխությունն օրենքով թույլատրվի: Այս մասին այսօր՝ մայիսի 17-ին, Հոմոֆոբիայի և տրանսֆոբիայի դեմ պայքարի միջազգային օրվան նվիրված քննարկման ժամանակ ասաց «Նոր Սերունդ» Մարդասիրական ՀԿ-ի նախագահ Սերգեյ Գաբրիելյանը:
«Այժմ մենք աշխատում ենք բժիշկների, իրավաբանների հետ, որ Հայաստանում սեռափոխության օրենք ընդունվի կամ գործող օրենքներում այնպիսի փոփոխություններ արվեն, որ թույլատրվի սեռափոխություն անել»,- ասաց Սերգեյ Գաբրիելյանը:
«Իրավունքի կողմ» իրավապաշտպան ՀԿ-ի նախագահ Լիլիթ Մարտիրոսյանի խոսքով, տրանսգենդեր անձանց իրավունքներն այսօր խախտվում են, քանի որ սեռափոխությունը Հայաստանում օրենքով չի կարգավորվում:
