Ucom-ի շարժական հեռախոսակապի հաշիվը կառավարելը դարձել է ավելի դյուրին: Հավելվածի թարմացված՝ 8-րդ տարբերակը հնարավորություն է ընձեռում ավելի արագ ու պարզ եղանակով ստուգել հաշվեկշիռը, կատարել վերալիցքավորում, ստուգել կուտակված Ucom միավորները եւ փոխարինել դրանք փաթեթներով, ակտիվացնել կամ ապաակտիվացնել ռոմինգ ծառայությունը եւ այլն:
Հավելվածի թարմացված տարբերակը տալիս է ամսական ներառումներն ստուգելու հնարավորություն նաեւ U! սակագնային պլանների բաժանորդներին, հաշիվը ստուգելիս՝ բաժանորդ մնալու պարտավորության ժամկետն ստուգելու հնարավորություն, նոր փաթեթների ակտիվացման հնարավորություն, շարժական ինտերնետ ծառայության ամսական ներառումներն ստուգելու, փաթեթներ եւ այլ ծառայություններ ակտիվացնելու հնարավորություն, Ucom այլ հավելվածներին՝ օրինակ, MediaRoom-ին եւ U!Pay-ին ծանոթանալու եւ դրանք ակտիվացնելու հնարավորություն:
Ռոմինգի բաժնում առաջին հերթին տեսանելի են դարձել հատուկ առաջարկները: Այդ եւ միջազգային զանգերի բաժիններում նաեւ ներդրվել է փնտրման համակարգը, բարելավվել է նորությունների էջի աշխատանքը, ներդրվել է առցանց զրույցի համակարգը, որը թույլ կտա առավել արագ ստանալ հուզող հարցերի պատասխանները: Շտկվել են առկա թերությունները:
Հավելվածը կարելի է անվճար ներբեռնել AppStore-ից եւ Google Play-ից: Պատասխանատու թիմը վստահեցնում է, որ այն մշտապես թարմացվելու է բաժանորդների աճող պահանջներին համապատասխանելու համար: