Եվրամիության եւ Թուրքիայի հարաբերությունների անցումային փուլում են, քանի որ Թուրքիան տրանսֆորմացիայի ճանապարհին է: Այս մասին հայտարարել է Անկարայում ԵՄ պատվիրակության ներկայացուցիչ Իրենեուշ Ֆիդուշը՝ Երեւանում կայացած «Հայաստան-Թուրքիան. Երկխոսության եւ հաշտության ճանապարհ» թեմայով համաժողովի ժամանակ:
Դիվանագետն ընդգծել է, որ Թուրքիայի ղեկավարության կողմից արված որոշ հայտարարություններ հճախ հակասական են եւ խճճված ինչպես եվրոպացիների, այնպես էլ ԵՄ քաղաքական գործիչների համար:
«Եվրոպայում առաջ է եկել հասարակական ճնշում, որը կոչ է անում փոխել ԵՄ-ի եւ Թուրքիայի միջեւ հարաբերությունները: Ճնշումը գալիս է ողջ Եվրոպայի հասարակության կողմից, եւ դրա պատճառը Թուրքիայի պաշտոնատար անձանք հայտարարությունները կամ գործողություններն են: Միաժամանակ, գոյություն ունի կոնսենսուս այն հարցում, որ պետք է շարունակել համագործակցությունը Թուրքիայի կառավարության, թուրքական ընդդիմության եւ հասարակության հետ»,-հավելել է նա:
Դիվանագետը հիշեցրել է, որ հունիսի 25-ին Թուրքիայի նախագահը Բրյուսելում ՆԱՏՕ-ի գագաթաժողովի շրջանակներում հանդիպումներ կունենա ԵՄ ղեկավարության հետ: «Մենք երկու կողմերից ակնկալում ենք հաստատել իրենց համատեղ պարտավորությունը՝ երկկողմ հարաբերությունների էջը շրջելու վերաբերյալ՝ չմոռանալով միաժամանակ, Թուրքիայում ժողովրդավարության վիճակի եւ օրենքի գերիշխանության մասին: Շրջելով էջը ասելով, ես նկատի ունեմ այն, որ մենք պետք է խոսենք իրար հետ, որպեսզի Թուրքիան վերադարձնենք եվրոպականացման ուղի: Դա հեշտ չի լինելու»,-ընդգծել է նա:
