Հայաստանում կբացվի պետական-մասնավոր մեքենայա-տրակտորային կայան։ Թենդերի արդյունքները հավանության են արժանացել մայիսի 18-ին, Հայաստանի կառավարության նիստի ժամանակ։
Պետության առաջարկությանն արձագանքել է միայն մեկ ընկերություն՝ «Իդաս» ՍՊԸ-ն։ Իր կողմից ընկերությունը 242 մլն դրամ է ներդրել, իսկ պետությունը կհավելի եւս 700-ը (մոտ 1,4 մլն դոլար-խմբ)։ Այդ գումարներով գյուղատնտեսական տեխնիկա ձեռք կբերվի։ Այն կգնի ներդրողը, իսկ 4 տարի անց կվերադարձնի արժեքը՝ տոկոսներով՝ 926 մլն դրամի չափով։
ՀՀ վարչապետի պաշտոնակատար Կարեն Կարապետյանը նկատել է, որ նախապես այլ կերպ էին պայմանավորվել։ 80 տոկոսը պետք է ներդներ մասնավոր ընկերությունը եւ միայն 20-ը՝ պետությունը։ Իսկ ստացվեց գրեթե հակառակը։
Գյուղատնտեսության նախարարի պաշտոնակատար Իգնատի Առաքելյանը նշել է, որ նախապես ծրագիրն առաջարկվել էր ռուս ներդրողներին, սակայն նրանցից ոչ ոք հետաքրքրություն չցուցաբերեց։ Հայկական ընկերություններից հետաքրքրություն ցուցաբերեց միայն մեկը։ Այդ պատճառով էլ պայմանների հարցում ստիպված եղան զիջումների գնալ։
Այսպես թե այնպես, տեխնիկան վարձակալությամբ ֆերմերներին հանձնելը կբարձրացնի գյուղատնտեսության մեխանիզացումը, նշանակում է՝ դրա արդյունավետությունը, նկատել է ՀՀ վարչապետի պաշտոնակատարը։