Մայիսի 18-ի նիստում կառավարությունը հավանության է արժանացրել համայնքների նոր խոշորացման օրինագծին: Տարածքային կառավարման եւ զարգացման նախարարի պաշտոնակատար Դավիթ Լոքյանը հայտարարեց, որ առաջարկվում է 316 համայնք միավորել 30-ի մեջ:
Առաջին փուլում 140 համայնքից ձեւավորվել էր 18 համայնք:
Մի շարք դեպքերում առաջարկվում է ավելի մեծ չափի խոշորացում: Օրինակ՝ Ապարանի համայնք՝ Ապարանը եւ հարեւան 20 գյուղերը, Վարդենիսի՝ քաղաքը եւ 21 գյուղ, Կապանի՝ քաղաքը եւ 31 գյուղ: Այս կերպ դրանք, փասստորեն, կհամընկնեն Հայկական ԽՍՀ-ի շրջանների սահմաններին: Մյուս դեպքերում, երբ կենտրոնը ոչ թե քաղաք է, այլ գյուղ, խոշորացումն ավելի փոքր չափերի է:
Կառավարության կարծիքով՝ կառավարչական ծախսերի կրճատումը կուղղեն համայնքների զարգացմանը: