Միջազգային կազմակերպություններում աշխատող՝ ՀՀ քաղաքացիները վճարելու են 23 տոկոս կենսաթոշակային վճարումներ։ «Կուտակային թոշակների մասին» օրենքում ու հարակից օրինագծերում համապատասխան փոփոխությունների նախագիծը  ընդունվել է Կառավարության մայիսի 18-ի նիստի ժամանակ։

Ֆինանսների նախարարի պաշտոնակատար Վարդան Արամյանը հայտնեց, որ այսպիսով միջազգային կազմակերպությունները կկարողանան կենսաթոշակային վճարումներ անել իրենց մոտ աշխատող Հայաստանի քաղաքացիներին։ Ընդ որում նրանք կարիք չեն ունենա գրանցվել Հայաստանի իրավաբանական անձանց պետական ռեգիստրում։