Նեոէքսպրեսիոնիստ Ժան-Միշել Բասկիայի անանուն կտավը Sotheby's-ի աճուրդում վաճառվել է 110.5 մլն դոլարով: Ըստ Lenta-ի՝ սա ռեկորդային գումար է նկարչի ստեղծագործությունների համար:
The New York Times-ի փոխանցմամբ՝ նկարը գնել է ճապոնացի միլիարդատեր Յուսակու Մաեձավան: Գործարարն Instagram-ում կտավի լուսանկարն է հրապարակել:
1982 թվականին ստեղծված կտավում երկնագույն ֆոնի վրա սեւ ներկով մարդկային գլխի ուրվագծեր են պատկերված:
Ամերիկյան նկարիչը 1980-ականներին իր աշխատանքները սկսել է ցուցադրել Նյու Յորքում, աշխատել է Էնդի Ուորհոլի հետ: Ժան-Միշել Բասկիան մահացել է 1988 թվականին, թմրանյութերից թունավորման հետեւանքով: