News
Լրահոս
News
Երեքշաբթի
Հուլիս 25
Տեսնել լրահոսը

Երեւանի Ավան եւ Նոր Նորք վարչական շրջանների ընդհանուր իրավասության դատարանը մասնակի մերժել է 4 տարի առաջ զինվորական ծառայության պարտականությունները կատարելիս հրազենային վնասվածք ստացած Մհեր Պետրոսյանի քաղաքացիական հայցը:

Մհեր Պետրոսյանը, որն արդեն 4 տարի բուժում է ստանում եւ արտասահմանում նրա բուժումը կազմակերպվում է Կառավարության տրամադրած 26 մլն դրամով, քաղաքացիական հայց էր ներկայացրել իր վրա կրակած Տիգրան Բալասանյանի դեմ:

Շուրջ 3 տարի տեւած դատական քաշքշուկներից հետո դատարանը որոշում է կայացրել Տիգրան Բալասանյանից բռնագանձել 510 հազար դրամ, որից 110 հազարը որպես առողջությանը պատճառված վնասի արդյունքում կորցրած աշխատավարձ, մինչև Մհեր Պետրոսյանի աշխատունակության վերականգնումը, 200 հազար դրամը՝ որպես Մհեր Պետրոսյանի առողջական վիճակի բարելավման համար կատարված մասնակի ծախս, ևս 200 հազար դրամ՝ որպես խախտված իրավունքը վերականգնելու համար կատարված դատական ծախս: Պետրոսյանները Բալասանյաններից պահանջում էին նաեւ 3 մլն 715 հազար դրամ, հայցը, սակայն ամբողջությամբ մերժվել է:

Հիշեցնենք, որ զինծառայողը վիրավորվել էր 2013թ. հունվարի 14-ին ծառայակցի արձակած կրակոցից: ՀՀ ՊՆ զորամասի մարտական հենակետերից մեկի խոհանոցում շարքային Տիգրան Բալասանյանը Պետրոսյանին դեպքի օրն ասել էր. «Պատկերացրու` դու թուրք լինեիր, ու ես քեզ գերի վերցնեի, հրամանատարության կողմից կխրախուսվեի»: Այնուհետեւ կարծելով, թե ինքնաձիգի փակաղակի ապահովիչը գտնվում է չկրակելու դիրքում, Տիգրանը ցանկացել է կատակել համածառայակից, նույն հենակետի կրտսեր սերժանտ Մ. Պետրոսյանի հետ, իսկ կատակն առավել համոզիչ դարձնելու համար փորձել է կատարել զենքի լիցքավորման իմիտացիա, այն է` փակաղակը փոքր ինչ հետ է քաշել, արդյունքում ինքնաձիգը լիցքավորվել ու ձգանը սեղմելուց հետո կատարվել են երկու կրակոցներ, դրանով Մ. Պետրոսյանի առողջությանն անզգուշությամբ պատճառել գլխի հրազենային, գնդակային, թափանցող, միջանցիկ վիրավորում` ուղեկցված աջ կիսագնդի ուղեղանյութի ջնջխում:

Արարատի եւ Վայոց ձորի մարզերի ընդհանուր իրավասության դատարանը Բալասանյանին մեղավոր էր ճանաչել եւ դատապարտել 2.5 տարվա ազատազրկման` պատժի սկիզբը հաշվելով 2013թ. հունվարի 14-ից: Ստացվում է, որ Բալասանյանն արդեն ազատության մեջ է, իսկ Պետրոսյանը արդեն ավելի քան 4 տարի պայքարում է ապրելու համար:

Տպել
Կարդացեք նաև
Ամբողջ
Արմավիրի մարզպետի խորհրդականը անհետ կորել է. ոստիկանությունը զբաղվում է
Մանուկ Սիմոնյանի անհետացման հարցով ոստիկանությունն է զբաղվում...
Ռուսաստանի բանտերում ավելի քան 2 հազար Ադրբեջանի քաղաքացի կա
2016 թվականին Ռուսաստանի ուղղիչ հաստատություններում 29.822 օտարերկրացի է եղել...
Ղրղզստանում հարսանիքի ժամանակ զանգվածային ծեծկռտուքը հրաձգությամբ է ավարտվել
Ոստիկանությունը 24-29 տարեկան 30 մարդու է ձերբակալել...
Նրանք պատվերով խորտակում են իմ ճակատագիրը. 15-ամյա հանդբոլիստի մահվան մեջ մեղադրվողը դադարեցրել է հացադուլը
Իմ ապօրինի ազատազրկման մեղավորները Վերաքննիչ դատարանի դատավորներ Մանուշակ Պետրոսյանը, Մհեր Արղամանյանը եւ Մխիթար Պապոյանն...
«Նուբարաշեն» ՔԿՀ-ում կեղտաջրերը հոսում են նկուղ, հսկիչները ժամերով գտնվում են գարշահոտ սենյակներում. «Ելք»
Բոլորը խոսում են միայն բանտախցերում պահվող դատապարտյալների կյանքի ու առողջության անվտանգության մասին, բայց ոչ պակաս կարեւոր է նաեւ այդ հիմնարկում ծառայություն իրականցնող անձնակազմի առողջությունը...
Ինչպե՞ս է տեղի ունեցել 9-ամյա աղջկա մահացու վրաերթը. Վարորդին մեղադրանք է առաջադրվել
«Lexus GX470» մակնիշի ավտոմեքենան, Երեւան-Մեղրի Մ-2 ավտոմայրուղու 307-րդ կմ հատվածում խախտելով ճանապարհային երթեւեկության կանոնները, ճանապարհի երթեւեկելի գոտում՝ համընթաց աջ ուղեմասում...
Ամենաշատ
Partner news