Շվեդական դատախազությունը դադարեցրել է WikiLeaks-ի հիմնադիր Ջուլիան Ասանժի դեմ բռնաբարության գործի հետաքննությունը: Չեղարկվել է նաեւ նրա ձերբակալության հրամանը: Այս մասին գրում է Meduza-ն:
Ասանժի կողմնակիցների կայքում նշվում է, որ դա հնարավոր է դարձել ՄԱԿ-ի համապատասխան աշխատանքային խմբի որոշման շնորհիվ: 2016 թվականի փետրվարին խումբը որոշել էր, որ Շվեդիան եւ Մեծ Բրիտանիան Ասանժին զրկում են ազատության իրավունքից:
2012 թվականի հունիսից Ասանժը գտնվում է Լոնդոնում Էկվադորի դեսպանությունում: Նա մտավախություն ուներ, որ իրեն կձերբակալեն ու կարտահանձնեն Շվեդիային: