Ամենայն հավանականությամբ, Իրանի նախագահական ընտրությունների երկրորդ փուլ տեղի չի ունենա։ Այս մասին հայտարարել է քաղաքագետ Կարինե Գեւորգյանը՝ NEWS.am-ի թղթակցի խնդրանքով մեկնաբանելով նախօրեին տեղի ունեցած Իրանի նախագահական ընտրությունները։
Նրա խոսքով՝ ընտրություններում հաղթած Հասան Ռոհանին պաշտոնավարման նոր ժամկետը կօգտագործի ձեռք բերված արտաքին հաջողությունները ներքին բարեփոխումների մեջ օգտագործելու համար։
«Կարծում եմ, պաշտոնավարման երկրորդ ժամկետում նախագահ Ռոհանին իր ուշադրությունը կկենտրոնացնի սոցիալական խնդիրների լուծման վրա, որոնք կուտակվել են պատժամիջոցների ժամանակաշրջանում», -նշել է Կարինե Գեւորգյանը՝ հավելելով, որ դրանից կշահեն մեծ քաղաքները, մեծ քաղաքների երիտասարդությունը, ինչպես նաեւ խոշոր գործարարները։
Քաղաքագետը նաեւ նկատել է, որ Ռոհանիի համար դյուրին չի լինի։ Լինելով կոնսենսուսային կերպար՝ Ռոհանին կգտնվի պահպանողականների եւ լիբերալների մշտական ուշադրության կենտրոնում։