Համացանցում հրապարակվել են նոր iPhone-երի նախատիպերի լուսանկարները։ Slashleaks կայքում տեղադրված լուսանկարներում պատկերված են iPhone 7s-ը, 7s Plus-ն ու 8-ը, փոխանցում է Lenta-ն։
Նշվում է, որ լուսանկարներն արվել են Չինաստանում՝ iPhone-ների կաղապարների արտադրման գործարանում։ Ամենայն հավանականությամբ, նախատիպերն օգտագործվում են մշակման համար։
Դատելով լուսանկարներից՝ iPhone 7s-ն ու 7s Plus-ը կստանան այնպիսի կաղապար ու էկրան, ինչպես Apple-ի սարքավորման յոթերորդ մոդելը։ iPhone 8-ն, իր հերթին, մի փոքր մեծ է սմարթֆոնի սովորական մոդելից։