«Անալիտիկ» կայքի տնօրեն Անի Հովհաննիսյանի գործով դատական նիստին հարցաքննվել է Տիգրան Ուրիխանյանի ներկայացուցիչը հայտարարել է, թե «ՎՏԲ Հայաստան բանկ» ՓԲ ընկերությունը Տիգրան Ուրիխանյանի համբավն օգտագործվել է ընդդեմ Անի Հովհաննիսյանի: NEWS.am-ի հետ զրույցում Անի Հովհաննիսյանի շահերի պաշտպան Լիպարիտ Սիմոնյանը նշեց, որ Տիգրան Ուրիխանյանի ներկայացուցիչը դատարանում հայտարարել է, թե պաշտպանական կողմը ամեն կերպ փորձում է «ՎՏԲ Հայաստան բանկ»- Տիգրան Ուրիխանյան համագործակցությունը կապել Անի Հովհաննիսյանի գործին:
«Թե ինչպես են Ուրիխանյանի համբավն օգտագործել ընդդեմ Անի Հովհաննիսյանի, կփորձենք պարզել հաջորդ դատական նիստին, երբ Ուրիխանյանը կգա դատարան եւ կհարցաքննվի»,-ասաց նա:
Ըստ մեղադրական եզրակացության` Անի Հովհաննիսյանը շորթում կատարելու ուղղակի դիտավորությամբ «Analitik.am» լրատվական կայքի գովազդի գծով պատասխանատու Ինգա Կիրակոսյանին օգտագործելու միջոցով, որը հանցանքը կատարել է անզգուշությամբ, կատարել է խոշոր չափերով շորթում` «ՎՏԲ Հայաստան բանկ» ՓԲ ընկերության օրինական շահերին էական վնաս պատճառող տեղեկություններ հրապարակելով եւ նման տեղեկություններ հրապարակելու սպառնալիքով հիշյալ ընկերությունից մարտի 15-ին պահանջել է 1 մլն դրամ: Բացի դրանից, նա պատգամավոր Տիգրան Ուրիխանյանի եւ նրա կնոջ մասին արատավորող տեղեկություններ: Տիգրան Ուրիխանյանը հանդիպել է Անի Հովհաննիսյանին, որն էլ նշել է, թե համապատասխան վերաբերմունք է անհրաժեշտ նմանատիպ հոդվածների հրապարակումները դադարեցնելու համար: Օրեր անց Անի Հովհաննիսյանը պատգամավորից պահանջել է 300 հազար դրամ, որն օրեր անց նրա աշխատակից Վարդիթեր Գիշյանը ստացել է:
Անի Հովհաննիսյանին մեղադրանք է առաջադրվել Քրեական օրենսգրքի 182-րդ հոդվածի 1-ին եւ 2-րդ մասով: Նա կալանավորված է: